दिवस नववा:

पाखरु सध्या खूप शांत आहे, अस्वस्थ आहे
क्षणोक्षणी तुझाच चेहरा पाखरासमोर असतो
डोळे मिटले तरी आणि डोळे उघडले तरी....
अस्वस्थपणा यासाठी की,
तुझं प्रतिबिंब... मनाच्या पडद्यावर...
पाखरु किती दिवस पाहणार..?
तूच सांग, भक्ताला देवीच्या मूर्तीची अपेक्षा असते?
का प्रत्यक्ष देवीच्या दर्शनाची?
बहुतेक देवी पाखरावर प्रसन्न नाहिए
नाहीतर, पाखराच्या आर्त संदेशाचे
देवीने प्रत्युत्तर दिले असते
पण पाखराची त्याविषयी अजिबात तक्रार नाहिए
तूच सांग, हृदयाच्या मंदिरात देवीची प्रतिष्ठापना केल्यावर
तिच्यावर अविश्वास दाखवायचा प्रश्न येतोच कुठे...?
{सागर}