दिवस बारावा:

पाखरु अथांग, अनंत क्षितिजाकडे बघत बसलंय
कधीतरी तुझी चाहूल त्या क्षितिजावर जाणवेल म्हणून
पण कित्येक दिवस गेले, रात्री सरल्या
तुझ्या आगमनाची काहीच चिन्हे क्षितिजावर नव्हती
पाखरु खूपच हताश झालंय, निराश झालंय
म्हणूनच सारखे त्याचे डोळे पाणावतात...
सूर्याच्या आगमनापूर्वी जसा क्षितिजावर
उषेचा रक्तिमा पसरतो, त्याप्रमाणे
पाखराच्या जीवनात तुझा रक्तिमा कधी पसरणार?
पाणावलेल्या डोळ्यांमध्ये पुन्हा हास्य कधी फ़ुलणार?
का, पाखराच्या नशिबी कायमची विवंचना लिहिली आहे?
पाखराचे डोळे तुझ्या वाटेकडेच आहेत...
तुझी भेट म्हणजे, पाखराच्या जीवनात
हजारो गुलाबांची फ़ुलं फ़ुलणं, आणि
तुझ्यापासून दूर जाणं म्हणजे, पाखराच्या जीवनात
सूर्यास्त होणं ...........
{सागर}