दिवस आठवा:

आज पाखरापुढे कित्येक प्रलोभने आली,
नाजूक हास्ये आली, लाडीक मुद्रा आल्या
लोकं त्या क्षणांचा आस्वाद घेत होते
पाखरु मात्र केवळ तुझ्याच आठवणींत रमले होते
तुझी आठवण क्षणोक्षणी येतच असते
मनात तुझ्याव्यतिरिक्त कोणतीही प्रतिमा नसते
जेव्हा पाखरापुढे प्रलोभनांचा झगमगाट होतो
तेव्हा पाखरु त्यांच्या आहारी जाऊच शकत नाही
कारण, समोर काहीही आलं तरी
पाखरु त्याची तुलना तुझ्याबरोबर करतं
आणि तुझ्या परिसस्पर्शाच्या तुलनेत, त्याला
इतर गोष्टी समोर असूनही दिसेनाशा होतात.
आता तूच सांग,
पौर्णिमेचा पूर्ण चंद्र समोर चमकत असताना
अमावस्येच्या चंद्राची अपेक्षा कोणी करेल का?
- {सागर}